సంక్రాంతి కవిత - గణిత భావనల సమాహార సారామృతం

సంఖ్యల సంబరమో, కోణాల సందడో,

సంక్రాంతి పండుగలో నడుస్తున్న రంగుల ఊరేగింపో.

పతంగుల ఎగురులో ∞ (అనంతం) కలయిక,

ఆకాశానికి కోణం θ చూపించే మేళమిక.

ముగ్గుల గీతల్లో వృత్తాల చక్రాలు,

సమచతురస్రాల తోరణాల అద్భుతాలు.

సమాంతర రేఖల సౌందర్య స్పర్శ,

రంగుల సమీకరణంలో ఉంటాయి మధుర వర్ణాలు 

సూర్యుడి కిరణాల్లో ∑ (సమూహం) వెలుగులు,

పంట పొలాల్లో √ (మూలం) జీవన అంకురాలు.

చలి తూర్పుకు - ve (ఋణాత్మక) బిందువుగా,

వసంతానికి + ve (ధనాత్మక) సంకేతంగా.

స్నేహ బంధాలలో + (ప్లస్‌) సంకేతం,

కుటుంబాల మధ్య y= mx+c సమీకరణం కూర్చే బంధం

పరిమాణాల్లో φ (ఫై) అందం,

ప్రతి హృదయానికి ∫ (ఇంటిగ్రల్‌) సంతోషం.

సంక్రాంతి ఆరంభం సమతుల్య సమీకరణం,

జీవన గణితానికి సంక్రాంతి ఒక ఉపకరణం!